Манай хуулийн фирм нь 2019 онд үүсгэн байгуулагдсан. Үүсгэн байгуулагдсан цагаас хойш томоохон гадаадын болон дотоодын компаниуд, хөрөнгө оруулагч нарт бизнесийн эрх зүйн цогц зөвлөх үйлчилгээг тасралтгүй үзүүлж байна.

Бид өөрсдийн мэдлэг, арвин туршлагад тулгуурлан үйлчлүүлэгчийнхээ бизнесийн хэрэгцээ, шаардлагыг ойлгож, хүссэн үр дүнд нь хүрэхэд чиглэсэн бодит, ухаалаг, хэрэгжихүйц шийдлийг санал болгон ажилладаг.
Манай хуулийн фирмд дунджаар 10-аас дээш жилийн туршлагатай хуульч, өмгөөлөгчид бизнесийн эрх зүйн чиглэлээр мэргэжлийн хууль зүйн туслалцааг үзүүлэн ажиллаж байх ба МУ-ын тэргүүлэх зэрэглэлийн эрдэмтэд, профессорууд, олон жилийн арвин туршлага бүхий өмгөөлөгчид зөвлөхөөр ажиллаж байна.

Манай хуульчдын багийн ажлын гүйцэтгэлийн 60 гаруй хувь нь компани, үнэт цаас, хөрөнгө оруулалт, худалдаа, банк, санхүү, уул уурхай, барилга, дэд бүтэц, эрчим хүч, хөрөнгийн зах зээл, үл хөдлөх хөрөнгө, хэлцэл удирдах зэрэг бизнесийн эрх зүйн салбарт чиглэсэн байдаг.

Фирм нь үүсгэн байгуулагдсан цагаас хойш МУ-ын бизнесийн эрх зүйн чиглэлийн тэргүүлэх хуулийн фирм болох зорилготойгоор тууштай ажиллаж байна. Бид үйлчлүүлэгчдээ “Prime” буюу хуульчийн арвин туршлага, өндөр ур чадварт тулгуурласан бодит, ухаалаг шийдлийг санал болгож, үйлчлүүлэгчийнхээ сэтгэлд нийцсэн дээд зэрэглэлийн үйлчилгээг үзүүлэхийг эрмэлзэнэ.

Бид Англи, Орос, Герман, Япон хэл дээр мэргэжлийн хууль зүйн үйлчилгээг үзүүлдэг.